Related Posts
Category : Gujarat
CM ભૂપેન્દ્ર પટેલે મંત્રીઓને સોંપ્યા જિલ્લા: નાયબ મુખ્યમંત્રી સહિત 25 પ્રભારી મંત્રીઓને અલગ-અલગ જિલ્લાની જવાબદારી, જુઓ લિસ્ટ
Bhupendra Patel district assignment: મુખ્યમંત્રી ભૂપેન્દ્ર પટેલે રાજ્યના વહીવટી તંત્રને વધુ સુદૃઢ અને સંગઠિત કરવાના ઉદ્દેશ્યથી મંત્રીમંડળના સભ્યોને પ્રભારી મંત્રીઓ તરીકે જિલ્લાઓની ફાળવણી કરી છે. નાયબ મુખ્યમંત્રી સહિત કુલ 25 મંત્રીઓને રાજ્યના વિવિધ જિલ્લાઓનો પ્રભાર સોંપવામાં આવ્યો છે. આ નિર્ણય દ્વારા મંત્રીઓ પોતપોતાના પ્રભારી જિલ્લાઓમાં સરકારી યોજનાઓ, વિકાસના કાર્યો અને વહીવટી પ્રવૃત્તિઓનું સીધું નિરીક્ષણ કરી શકશે, જેનાથી પ્રજાના પ્રશ્નોનું નિરાકરણ વધુ ઝડપી બની શકશે.
મુખ્ય મંત્રીઓ અને તેમને ફાળવાયેલા જિલ્લા
રાજ્યના મુખ્ય મંત્રીઓ અને તેમને સોંપાયેલા પ્રભારી જિલ્લાઓની વિગતો નીચે મુજબ છે:
- નાયબ મુખ્યમંત્રી હર્ષ રમેશકુમાર સંઘવી: વડોદરા અને ગાંધીનગર જિલ્લાના પ્રભારી મંત્રી તરીકેની જવાબદારી સંભાળશે.
- કનુભાઈ મોહનલાલ દેસાઈ: સુરત અને નવસારી જિલ્લાનો પ્રભાર સંભાળશે.
- જીતુભાઈ સવજીભાઈ વાઘાણી: અમરેલી અને રાજકોટ જિલ્લાના પ્રભારી મંત્રી રહેશે.
- ઋષિકેશ ગણેશભાઈ પટેલ: અમદાવાદ અને વાવ-થરાદ જિલ્લાના પ્રભારી મંત્રી બનાવવામાં આવ્યા છે.
- કુંવરજીભાઈ મોહનભાઈ બાવળીયા: પોરબંદર અને દેવભૂમિ દ્વારકા જિલ્લાનો પ્રભાર સોંપાયો છે.
- નરેશભાઈ મગનભાઈ પટેલ: વલસાડ અને તાપી જિલ્લાના પ્રભારી મંત્રી તરીકે કાર્યભાર સંભાળશે.
- અર્જુનભાઈ દેવાભાઈ મોઢવાડીયા: જામનગર અને દાહોદ જિલ્લાનો પ્રભાર સંભાળશે.
- ડૉ. પ્રદ્યુમન ગનુભાઈ વાજા: સાબરકાંઠા અને જૂનાગઢ જિલ્લાના પ્રભારી મંત્રી રહેશે.
- રમણભાઈ ભીખાભાઈ સોલંકી: ખેડા અને અરવલ્લી જિલ્લાના પ્રભારી મંત્રી તરીકે જવાબદારી સંભાળશે.
જિલ્લાવાર પ્રભારી મંત્રીઓની સંપૂર્ણ યાદી
મુખ્યમંત્રી ભૂપેન્દ્ર પટેલે નીચે મુજબના મંત્રીઓને એક અથવા એકથી વધુ જિલ્લાના પ્રભારી મંત્રી તરીકેની જવાબદારી સોંપી છે.
| મંત્રી | જિલ્લાનું નામ |
| હર્ષ સંઘવી | વડોદરા, ગાંધીનગર |
| કનુ દેસાઈ | સુરત, નવસારી |
| જીતુ વાઘાણી | અમરેલી, રાજકોટ |
| ઋષિકેશ પટેલ | અમદાવાદ, વાવ-થરાદ |
| કુંવરજી બાવળિયા | પોરબંદર, દેવભૂમિ દ્વારકા |
| નરેશ પટેલ | વલસાડ, તાપી |
| અર્જુન મોઢવાડિયા | જામનગર, દાહોદ |
| પ્રદ્યુમન વાજા | સાબરકાંઠા, જૂનાગઢ |
| રમણ સોલંકી | ખેડા, અરવલ્લી |
| ઈશ્વર પટેલ | નર્મદા |
| પ્રફુલ પાનેસેરિયા | ભરૂચ |
| મનીષા વકીલ | છોટા ઉદેપુર |
| પરષોત્તમ સોલંકી | ગીર સોમનાથ |
| કાંતિ અમૃતિયા | કચ્છ |
| રમેશ કટારા | પંચમહાલ |
| દર્શનાબેન વાઘેલા | સુરેન્દ્રનગર |
| કૌશિક વેકરિયા | ભાવનગર, જૂનાગઢ ( સહ પ્રભારી ) |
| પ્રવીણ માળી | મહેસાણા, નર્મદા ( સહ પ્રભારી ) |
| જયરામ ગામિત | ડાંગ |
| ત્રિકમ છાંગા | મોરબી, રાજકોટ ( સહ પ્રભારી ) |
| કમલેશ પટેલ | બનાસકાંઠા, વડોદરા ( સહ પ્રભારી ) |
| સંજયસિંહ મહિડા | આણંદ, ભરૂચ ( સહ પ્રભારી ) |
| પૂનમચંદ બરંડા | મહીસાગર, દાહોદ ( સહ પ્રભારી ) |
| સ્વરૂપજી ઠાકોર | પાટણ |
| રિવાબા જાડેજા | બોટાદ |
Load more
